MCAE, Agadir

Zzrin imezrawwn umussu adelsan amazigh g Agadir yan imalass adelsan s tmatart n "ur illi Merruk war tamazight" imezrawn ugadir ddren yan imalass igan win tmazight g kraygat aswir yigut umyanna f tmukrist tanamurt ad... Ass amezwaru (06/02/2001) illa yan ussfser n idlisen g tsdawt n tmessunt d umyanna f umussu adelsan amazigh d inazâren lli fellas illan tili yat tmessutlt ghef ukttay n tmettant n inighi n tmazight "Moulay Mhand" (Mouhamed Ben Abd Elkrim Elkhettabi) ttufkant gis tifawin f tamaght n Rrif d tameddurt n umghnas Moulay Mhand... Ass wissin (07/02/2001) ittuskar ussfser n udlis g tsdawt n tsekla yili umyanna ghef tmukrist n tmazight d mamnk s a tt zêrran ikabaren isertann d tidyulujit n umussu amuslem d imarksiyn..tadggwat tella yat tinnawt isker tt mass Med Sallou ghef tmazight d lmexzen d manik s ar izêrra lmexzen tamukrist n tmazight izri f "umussu aghelnaw " d "ikabaren isertiyn" yili deffir tinnawt ad yan umyanna izddigen ifka i tmukrist n tmazight uggu! g nnes s tiddet.. Ass n 08/02/2001 illa usfser n udlis d tiwllafin n tnazurt Khadija Amouddou yili gh usega amyann ghef tmazight d uggugen n tmagit tanamurt.Tadggat zêran imezrawen asaru-video n yat tinnawt iskrt Mas Mouloud Mammeri g Tizi Ouzzou d afchad nnes llis d ffughen ifêdn d ifêdn n imazighen n Tizi Ouzzou... lligh ismed usaru ffghen imezrawen n tsdawt ugadir skern yat twada tadugamt (symbolique) asin gis iwaliwen d timatarin umussu adelsan amazigh.. Ass n 08/02/2001 tayelgi illa ussfser d umyanna tadggat tella tinnawt n Mass Addi Lihi ghef "Tamazight d ikabaren isertiyn" idêfr tid umyanna imezrawen lli d imcackan mas d ikabaren isertann n Merruk ur gisen yan yusin anezgum n tmazight... Ass ameggaru illa gis umyanna d ussfser n idlisen g tadggat tella yat tffugla ihiyan iwsen gis mennaw inazûren imazighen yili gis ugdud s timmâd... Ussan ad iwsen gisen imezrawen umussu adelsan amazigh g mennawt tisdawin n Merruk zund Meknes Oujda Errachidia...